Category: News

Europe House sot e lanson edicionin e ri të “NAVIGATOR”, lojë edukative online e krijuar me qëllim të rritjes së ndërgjegjësimit për të drejtat e njeriut. Versioni i ri i lojës është i hapur për lojë nga sot, 25 nëntor, deri më 14 dhjetor në mesnatë, duke mundësuar pjesëmarrësve tre javë për të luajtur, mësuar dhe për të garuar për shpërblimin kryesor – një voucher IT në vlerë prej 60.000 denarësh.

Edhe këtë vit, në kuadër të iniciativës #TeamEurope, ambasadat e vendeve anëtare të BE-së përsëri i bashkohen lojës, duke kontribuar me një numër të madh shpërblimesh, ndër të cilat një biçikletë, udhëtim në Gjermani, kurs të gjuhës spanjolle, bileta treni për udhëtim nëpër Evropë dhe shumë dhurata të tjera të vlefshme.

Loja mund të luhet në gjuhën maqedonase dhe shqipe dhe është e disponueshme online në https://europehouse.mk/navigator/

Ndryshe nga viti i kaluar, këtë vit loja ka përmirësime të thelbësore të cilat e pasurojnë procesin e të mësuarit dhe e forcojnë aspektin interaktiv të lojës. Risi është edhe “Planeti Portokalli”, i dedikuar fushatës globale “16 Ditë Aktivizëm kundër Dhunës me Bazë Gjinore”. Planetët e tjerë vazhdojnë të trajtojnë tema nga fusha të ndryshme të lidhura me të drejtat e njeriut, por tani me përmbajtje të zgjeruar dhe një sistem loje të përmirësuar që ofron përvojë më dinamike dhe më interesante për përdoruesit.

Për të marrë pjesë në short, lojtarët duhet të fitojnë së paku 1.000 pikë, pas së cilës automatikisht kualifikohen për shpërblimin kryesor – voucher IT në vlerë prej 60.000 denarësh, ndërsa 10 lojtarët e renditur më lart në tabelë do të marrin shpërblime speciale nga ambasadat e vendeve anëtare të BE-së. Loja mund të luhet pakufi herë gjatë gjithë periudhës, ndërsa pikë sjellin vetëm përgjigjet e sakta dhe të dhëna me kohë.

“Navigator” është rezultat i angazhimit të përbashkët të Europe House, Zyrës së Kombeve të Bashkuara në Maqedoninë e Veriut, shoqatës për krijim të lojërave “Galaktik Omnivore”, Shoqatës së Juristëve të Rinj, dhe realizohet edhe me mbështetje nga Ministria e Arsimit. Ky edicion fiton edhe simbolikë shtesë në vitin kur shënohen 75 vjet nga Konventa Evropiane për të Drejtat e Njeriut.

Fituesit e lojës do të shpallen në ceremoninë e ndarjes së çmimeve më 17 dhjetor 2025 në Europe House Shkup.

DITA E EVROPËS 2025 NË SHENJË TË SOLIDARITETIT EVROPIAN DHE MBËSHTETJES PËR KOÇANIN

Mbi 3.300 pjesëmarrës u bashkuan në shtatë qytete në shenjë solidariteti, duke grumbulluar pothuajse 1.5 milion denarë donacione në ngjarjet e organizuara gjatë muajit maj me rastin e 9 Majit – Ditës së Evropës. Këtë vit, shënimi i Ditës së Evropës iu dedikua mbështetjes për viktimat dhe të lënduarit nga tragjedia në Koçani, përmes një sërë aktivitetesh të organizuara nga Delegacioni i Bashkimit Evropian dhe rrjeti Europe House. Në shenjë mbështetjeje, qytetarët morën pjesë në gara humanitare dhe në ankande me vepra nga artistë vendorë, duke shprehur humanitet dhe solidaritet si me familjet e të prekurve, ashtu edhe me tërë komunitetin në qytetin e Koçanit.

BE-ja, me përkushtim të madh, vazhdon të ofrojë mbështetje afatgjate psikosociale për të prekurit nga kjo fatkeqësi. Si pjesë e kësaj mbështetjeje, në bashkëpunim me Ambasadën e Suedisë, është paralajmëruar edhe një vizitë nga një delegacion i qytetit suedez Goteborg, i cili do të ndajë përvojat e veta për përballjen me traumën kolektive pas një tragjedie të ngjashme që ndodhi në këtë qytet në vitin 1998.

Këtë vit, Dita e Evropës u shënua me një mesazh të fuqishëm solidariteti. Përmes një sërë aktivitetesh në shenjë bashkimi, qytetarët treguan çka do të thotë të jesh një, kur njerëzimi është më i nevojshëm se kurrë. Nga artistët te vrapuesit, nga fëmijët te të moshuarit – të gjithë ishin të bashkuar për një qëllim të vetëm.

Mbështetja nga Bashkimi Evropian për Koçanin filloi menjëherë pas tragjedisë, me aktivizimin e Mekanizmit të Mbrojtjes Civile, përmes të cilit 115 persona të lënduar u dërguan për trajtim mjekësor në vendet anëtare të BE-së dhe në shtete partnere. Reagimi i shpejtë dhe i koordinuar edhe njëherë e vërtetoi solidaritetin e fuqishëm evropian. Për shumëkënd, kjo përgjigje e shpejtë ishte edhe jetike.

Gjatë recepcionit me rastin e Ditës së Evropës 2025, më 8 maj, në Muzeun e Artit Bashkëkohor – simbol i qëndresës dhe solidaritetit të Shkupit – në bashkëpunim me DLLUM, u organizua edhe një ekspozitë artistike, ku artistët vendorë dhuruan me bujari veprat e tyre, të cilat u vunë në shitje me një qëllim të vetëm – mbledhjen e fondeve për të prekurit nga tragjedia në Koçan.

Më 9 maj, në shtatë qytete të vendit u ndriçuan objekte të rëndësishme historike dhe kulturore me ngjyrë të kaltërt – si simbol i unitetit dhe solidaritetit mes popujve evropianë.

Garat humanitare, si ngjarja kryesore, u mbajtën më 25 maj, kur në shtatë qytete të vendit (Shkup, Manastir, Veles, Tetovë, Strumicë, Strugë dhe Kriva Pallankë) u vrapua për Koçanin. Sipas të dhënave zyrtare, në garat “Të gjithë për Koçanin. Vrapojmë së bashku.” ishin të regjistruar mbi 3.300 pjesëmarrës. Edhe pse kushtet atmosferike nuk ishin të favorshme, kjo nuk i ndaloi qytetarët të vrapojnë edhe në shi, të bashkuar me një qëllim – të ndihmojnë Koçanin.

Pjesëmarrës në garat ishin edhe përfaqësues të ambasadave të vendeve anëtare të Bashkimit Evropian, nën moton #TeamEurope, të cilët duke dhënë shembull personal, vrapuan bashkë me qytetarët në të shtatë qytetet.

Shuma e përgjithshme e mbledhur nga donacionet përmes garave humanitare dhe ankandit artistik kap shifrën prej gati 1.5 milion denarësh. Fondet e mbledhura janë transferuar në llogarinë e Kryqit të Kuq, e cila është e dedikuar për mbështetjen e të prekurve nga tragjedia në Koçan.

Delegacioni i Bashkimit Evropian gjithashtu ka siguruar mbështetje afatgjate për qytetarët e Koçanit, me qëllim që përmes Qendrës për Veprim Psikosocial dhe në Krizë, të lehtësohet përballja me traumën e shkaktuar nga fatkeqësia.

Gjithashtu, vendet anëtare të BE-së, përmes mekanizmave të tyre kombëtarë, individualisht ofrojnë forma të ndryshme mbështetjeje. Si pjesë e kësaj, Ambasada e Suedisë po organizon një vizitë të një delegacioni nga qyteti suedez Goteborg, ku në vitin 1998, gjatë një zjarri të ngjashëm në një diskotekë, humbën jetën mbi 60 të rinj. Qëllimi i kësaj vizite është ndarja e përvojave dhe ofrimi i mbështetjes për komunitetin në Koçan në përballjen me traumën kolektive.

Në linkun më poshtë mund të shihni videon me atmosferën nga të gjitha shtatë garat, e xhiruar në pjesë të ndryshme të vendit – një dëshmi për një ditë të mbushur me humanizëm, dashuri dhe solidaritet.

Europe House Shkup shënoi përvjetorin e katërt, me ekspozitë dhe ceremoni gjatë së cilës u dhanë çmimet e konkursit arkitekturor dhe urban “Shkupi i gjeneratës së re”. Kjo ngjarje shfaqi talentin e arkitektëve të rinj të cilët do të kontribuojnë në zhvillimin urban të Shkupit.

Konkursi kishte 12 propozime nga 24 arkitektë të rinj, secili duke paraqitur plane për të ringjallur vende të ndryshme brenda qytetit. Çmimi i parë iu nda veprës “Zambak për Atë” (Lotus 4 Her) nga Antonio Grujevski i vendosur në shatërvanin Lotus në parkun e qytetit të Shkupit. Çmimin e dytë e morën Daniela Vasileva, Sara Veleska dhe Sara Trajkova për “Riimagjinimi i valëve të ngjyrave” (Reimagining Colorwaves), me qendër rreth bregut Dimitar Vlahov në lumin Vardar. Çmimin e tretë e morën Natalie Veleska, Alen Cvetkovski dhe Donna Mitrovska për projektin e tyre “SpineX”, që kishin për qëllim rigjallërimin e rrugës së “Plastikave” (Plasticharska).

Ngjarja u organizua në Postën Qendrore të Shkupit, vend me rëndësi të konsiderueshme historike, që është njohur nga Europa Nostra si një nga shtatë vendet më të rrezikuara të trashëgimisë evropiane. Më 26 korrik, datë kjo që përkon me 60 vjetorin e tërmetit shkatërrues të Shkupit, Europa Nostra, në bashkëpunim me Institutin e Bankës Evropiane për Investime, tërhoqi vëmendjen rreth nevojës urgjente për restaurimin e kësaj ndërtese. Kjo ndjenjë u pasqyrua edhe në fjalimin e bërë nga ambasadori i BE-së, Dejvid Gir, i cili theksoi rëndësinë e veprimit të menjëhershëm për të ruajtur këtë ndërtesë historike.

“Sot qëndrojmë këtu, në Postë, që ndoshta paraqet shembullin më emblematik të artit brutalist; një estetikë që formësoi identitetin arkitektonik të Shkupit pas tërmetit, për të kujtuar trashëgiminë kulturore që duhet mbrojtur dhe çmuar. Sot, Posta vazhdon të jetë pa çati dhe nën rrezik të madh, rrezik i cili rritet vazhdimisht, nga mospërdorimi dhe përkeqësimi. Megjithatë, Posta, sipas fjalëve të Sartrit, nuk e pranon humbjen! Mirëpo as ne. Për këtë arsze vendosëm të shënojmë ditëlindjen e katërt të Europe House pikërisht këtu. Në ditën e çlirimit të Shkupit.” – u shpreh ambasadori Gir.

Ministrja e Kulturës, Bisera Kostadinovska-Stojçevska, në fjalimin e saj falënderoi ambasadorin Gir dhe theksoi se “Kjo ngjarje e rëndësishme, e Europe House Shkup me karakter kulturor, arriti të bashkojë historinë dhe të ardhmen, me krijimtarinë e studentëve të arkitekturës.” Ajo shtoi se ky konkurs ka bërë një hap përpara dhe ka lidhur të shkuarën me aspiratat për të ardhmen.
Konkursi Shkupi i gjeneratës së re u vlerësua nga një juri prej 5 anëtarësh nga të pesë fakultetet e arkitekturës në Shkup, (Universiteti Ndërkombëtar Ballkanik, Universiteti Amerikan Kolegji Shkup (UACS), Universiteti MIT, Fakulteti i Shkencave Sociale (FON) dhe Universiteti “Shën. Kirili dhe Metodi” Shkup). Prof. Dr. Bojan Karnakov, në emër të jurisë shpjegoi se: “Qëllimi kryesor i konkursit është të frymëzojë ide inovative për dizajnin arkitekturor dhe urban që do të rriste ndjenjën e bashkësisë në hapësirat publike të pjesëve të qytetit të lëna në kujtesa të Shkupit, ku arkitektët e rinj deri në moshën 35 vjeç do të fokusoheshin në rimendimin dhe ridekorimin e pjesëve të qytetit, në mënyrë që të krijonin një mjedis të qëndrueshëm dhe gjithëpërfshirës.”

Projekti fitues “Zambak për atë” (Lotus 4 her), i realizuar nga arkitekti i ri Antonio Grujevski, përfaqëson një projekt vizionar të peizazhit dhe restaurimit që synon të rrisë qëndrueshmërinë e gjelbër brenda strukturës urbane të Shkupit, duke u bërë homazh grave arkitekte pioniere që luajtën rol kryesor në rindërtimin e qytetit pas tërmetit në vitin 1963. Në fjalimin e pranimit, Grujevski reflektoi “Për një muaj do të jemi në vitin 2024 dhe të gjithë politikanët dhe disa kolegë tanë ende po flasin për Shkupin 2014. Bota po ecën përpara. Evropa po ecën përpara. Kemi sfida me ndryshimet klimatike, me pavarësinë energjetike dhe me ndotjen e ajrit. Këto janë sfida në të cilat ne duhet të fokusohemi dhe t’i bashkohemi vizioneve të Bashkimit Evropian”.
Ekspozita në Postën Qendrore do të jetë e hapur për publikun tre ditët e ardhshme, nga e marta në të enjte, prej ora 12:00 deri në ora 15:00.

Shkup, 13 nëntor, 2023

Europe House Shkup shënoi përvjetorin e katërt, me ekspozitë dhe ceremoni gjatë së cilës u dhanë çmimet e konkursit arkitekturor dhe urban “Shkupi i gjeneratës së re”. Kjo ngjarje shfaqi talentin e arkitektëve të rinj të cilët do të kontribuojnë në zhvillimin urban të Shkupit.

Konkursi kishte 12 propozime nga 24 arkitektë të rinj, secili duke paraqitur plane për të ringjallur vende të ndryshme brenda qytetit. Çmimi i parë iu nda veprës “Zambak për Atë” (Lotus 4 Her) nga Antonio Grujevski i vendosur në shatërvanin Lotus në parkun e qytetit të Shkupit. Çmimin e dytë e morën Daniela Vasileva, Sara Veleska dhe Sara Trajkova për “Riimagjinimi i valëve të ngjyrave” (Reimagining Colorwaves), me qendër rreth bregut Dimitar Vlahov në lumin Vardar. Çmimin e tretë e morën Natalie Veleska, Alen Cvetkovski dhe Donna Mitrovska për projektin e tyre “SpineX”, që kishin për qëllim rigjallërimin e rrugës së “Plastikave” (Plasticharska).

Ngjarja u organizua në Postën Qendrore të Shkupit, vend me rëndësi të konsiderueshme historike, që është njohur nga Europa Nostra si një nga shtatë vendet më të rrezikuara të trashëgimisë evropiane. Më 26 korrik, datë kjo që përkon me 60 vjetorin e tërmetit shkatërrues të Shkupit, Europa Nostra, në bashkëpunim me Institutin e Bankës Evropiane për Investime, tërhoqi vëmendjen rreth nevojës urgjente për restaurimin e kësaj ndërtese. Kjo ndjenjë u pasqyrua edhe në fjalimin e bërë nga ambasadori i BE-së, Dejvid Gir, i cili theksoi rëndësinë e veprimit të menjëhershëm për të ruajtur këtë ndërtesë historike.

“Sot qëndrojmë këtu, në Postë, që ndoshta paraqet shembullin më emblematik të artit brutalist; një estetikë që formësoi identitetin arkitektonik të Shkupit pas tërmetit, për të kujtuar trashëgiminë kulturore që duhet mbrojtur dhe çmuar. Sot, Posta vazhdon të jetë pa çati dhe nën rrezik të madh, rrezik i cili rritet vazhdimisht, nga mospërdorimi dhe përkeqësimi. Megjithatë, Posta, sipas fjalëve të Sartrit, nuk e pranon humbjen! Mirëpo as ne. Për këtë arsze vendosëm të shënojmë ditëlindjen e katërt të Europe House pikërisht këtu. Në ditën e çlirimit të Shkupit.” – u shpreh ambasadori Gir.

Ministrja e Kulturës, Bisera Kostadinovska-Stojçevska, në fjalimin e saj falënderoi ambasadorin Gir dhe theksoi se “Kjo ngjarje e rëndësishme, e Europe House Shkup me karakter kulturor, arriti të bashkojë historinë dhe të ardhmen, me krijimtarinë e studentëve të arkitekturës.” Ajo shtoi se ky konkurs ka bërë një hap përpara dhe ka lidhur të shkuarën me aspiratat për të ardhmen.

Konkursi Shkupi i gjeneratës së re u vlerësua nga një juri prej 5 anëtarësh nga të pesë fakultetet e arkitekturës në Shkup, (Universiteti Ndërkombëtar Ballkanik, Universiteti Amerikan Kolegji Shkup (UACS), Universiteti MIT, Fakulteti i Shkencave Sociale (FON) dhe Universiteti “Shën. Kirili dhe Metodi” Shkup). Prof. Dr. Bojan Karnakov, në emër të jurisë shpjegoi se: “Qëllimi kryesor i konkursit është të frymëzojë ide inovative për dizajnin arkitekturor dhe urban që do të rriste ndjenjën e bashkësisë në hapësirat publike të pjesëve të qytetit të lëna në kujtesa të Shkupit, ku arkitektët e rinj deri në moshën 35 vjeç do të fokusoheshin në rimendimin dhe ridekorimin e pjesëve të qytetit, në mënyrë që të krijonin një mjedis të qëndrueshëm dhe gjithëpërfshirës.”

Projekti fitues “Zambak për atë” (Lotus 4 her), i realizuar nga arkitekti i ri Antonio Grujevski, përfaqëson një projekt vizionar të peizazhit dhe restaurimit që synon të rrisë qëndrueshmërinë e gjelbër brenda strukturës urbane të Shkupit, duke u bërë homazh grave arkitekte pioniere që luajtën rol kryesor në rindërtimin e qytetit pas tërmetit në vitin 1963. Në fjalimin e pranimit, Grujevski reflektoi “Për një muaj do të jemi në vitin 2024 dhe të gjithë politikanët dhe disa kolegë tanë ende po flasin për Shkupin 2014. Bota po ecën përpara. Evropa po ecën përpara. Kemi sfida me ndryshimet klimatike, me pavarësinë energjetike dhe me ndotjen e ajrit. Këto janë sfida në të cilat ne duhet të fokusohemi dhe t’i bashkohemi vizioneve të Bashkimit Evropian”.

Ekspozita në Postën Qendrore do të jetë e hapur për publikun tre ditët e ardhshme, nga e marta në të enjte, prej ora 12:00 deri në ora 15:00.

Më 13 nëntor, me fillim nga ora 18:30, në shenjë të 60-vjetorit të tërmetit të Shkupit, në ambientet e Postës së Shkupit, Europ House do të jetë nikoqir i ekspozitës frymëzuese arkitekturore e cila doli nga konkursi “Shkupi gjeneratës së re”. Ekspozita do të hapet zyrtarisht nga ambasadori David Geer, i cili do të shpallë edhe fituesit e konkursit.

Faza e aplikimit solli propozime të shkëlqyera arkitekturore inovative ku secili prej propozimeve paraqet një mundësi për një hap drejt një qyteti më gjithëpërfshirës dhe të rigjallëruar, si dhe mundësi për modernizimin e Shkupit. Jemi pozitivisht të suprizuar nga cilësia dhe krijimtaria e arkitektëve të rinj, pasiqë vizioni që morëm nga propozimet është mjaft frymëzues dhe jep shpresë për të ardhmen e qytetit.

Ky manifestim do të jetë i natyrës së hapur dhe do të zhvillohet në sportelin e Postës së Shkupit. Të gjithë ata që nuk do të mund të jenë në ngjarjen kryesore do të kenë mundësinë ta vizitojnë ekspozitën në tre ditët në vijim, me saktësisht nga data 14 deri më 16 nëntor, nga ora 12:00 deri në orën 15:00.

Ejani të festojmë 13 Nëntorin, ditën e qytetit, si edhe ditëlindjen e katërt të Europe House Shkup.

Ju presim!

Detajet e ngjarjes
Ngjarja: Ekspozita arkitekturore “Shkupi i gjeneratës së re”.
Data: E hënë, 13 nëntor 2023
Ora: 18:30
Vendi: Posta Qendrore Shkup
Kodi i veshjes: Rekomandohen veshje të ngrohta.

Përmbledhje

Duke shënuar 60 vjet nga tërmeti shkatërrues në Shkup, Europe House shpall me krenari konkursin arkitektonik “Shkupi i gjeneratës së re.” Ftojmë arkitektët e rinj dhe planifikuesit urbanë të sjellin ide të reja që do ta transformojnë Shkupin në një qytet më gjithëpërfshirës dhe më të arritshëm. Ky është më shumë se një konkurs dizajni; është një mision për të përmirësuar hapësirat e lëna pas dore dhe për ta bërë qytetin më të mirë për të gjithë.

Pse të marrësh pjesë?

• Rigjallëroni Shkupin: Ky konkurs ju jep mundësinë t’i jepni gjallëri hapësirave të
• vjetra dhe të harruara të qytetit.
• Fito çmime në para: Jo vetëm që do të kontribuosh në arkitekturën e qytetit, por do të kesh gjithashtu një shans për të fituar deri në 1,500 €.
• Fito njohje: Një panel ekspertësh nga universitetet dhe organizatat më të mira do të shqyrtojnë punën tuaj, duke ju dhënë mundësinë për njohje profesionale.

Kush do  t’ju vlerësojë?

Regjistrimet do të vlerësohen nga një panel ekspertësh nga institucione arsimore prestigjioze si Universiteti Ndërkombëtar Ballkanik, Universiteti Amerikan i Shkupit (UACS), Universiteti MIT, Fakulteti i Shkencave Sociale (FON) dhe Universiteti i Shën Kirilit dhe Metodit në Shkup. Të gjitha regjistrimet do të jenë anonime, duke siguruar një mundësi të drejtë dhe të barabartë për të gjithë pjesëmarrësit.

Data të rëndësishme

• Fillimi i aplikimit: 4 shtator 2023
• Afati i aplikimit: 22 tetor 2023
• Afati i pyetjeve: 18 shtator 2023 (me përgjigjet që do të publikohen më 25 shtator)
• Ceremonia dhe ekspozita e ndarjes së çmimeve: 13 nëntor 2023

Si të aplikoni

Nëse keni pyetje në lidhje me konkursin, mund t’i dërgoni me email në competition@europehouse.mk deri më 18 shtator, dhe përgjigjet do të publikohen më 25 shtator. Më shumë detaje mund të gjeni në udhëzimet e konkursit të disponueshme për shkarkim në maqedonisht, shqip dhe anglisht më poshtë këtij teksti.

Bashkohuni me ne

Mos e humbisni këtë shans për të qenë pjesë e së ardhmes së Shkupit. Le të punojmë së bashku për ta bërë Shkupin një vend që brezat e ardhshëm do të jenë krenarë ta quajnë shtëpinë e tyre.

Guidelines Shkupi i gjeneratës së re

Locations for Competition

B2 Template

Formular përshkrimi

Pyetje dhe përgjigje

Konkursi është mbyllur