Новости Archives - Europe House

Кој ја кодира иднината?: Панел-дискусија за девојките и жените во СТЕМ

Како да ги надминеме родовите бариери во науката, технологијата, инженерството и математиката (СТЕМ) и да создадеме повеќе можности за девојките и жените во дигиталниот свет? Овие прашања беа во фокусот на панел-дискусијата „Кој ја кодира иднината? Девојките во СТЕМ“ – дел од кампањата и националниот караван „Носи ја промената“ (Wear the Change), иницирани од Europe House и Делегацијата на Европската Унија.

Дискусијата, одржана во кампусот на техничките факултети во Скопје, ги отвори прашањата за родовиот јаз, стереотипите и институционалните пречки, но и за потребата од еднаков пристап до образованието, професионалниот развој и лидерските позиции во технолошкиот сектор.

Иако жените сочинуваат околу 70% од дипломираните студенти во природните науки и математиката во Северна Македонија, а повеќе од половина од истражувачите се жени, нивното учество во технолошките професии останува значително помало. Околу 33% од дипломираните во областа на информатичко-комуникациските технологии се жени, а во ИТ-секторот тие сочинуваат помалку од една четвртина од работната сила. Недостигот од поддршка и видливи женски примери, како и чувството дека не припаѓаат во овие области, сè уште влијаат врз образовните и професионалните избори на девојките.

На панелот учествуваа амбасадорот на Шведска, Н.Е. Ола Сулстрем, Маријана Иловска Златановски, извршна директорка за дигитални иновации во Intertec.co и директорка за партнерства во Women in Tech North Macedonia, проф. д-р Ана Поцева Пановска од Фармацевтскиот факултет при УКИМ и проф. д-р Невенка Китева Роглева од Факултетот за електротехника и информациски технологии (ФЕИТ) при УКИМ. Дискусијата ја модерираше Андреа Угриноска од „Тиииит! Инк.“ – Скопје.

Проф. д-р Ана Поцева Пановска, носителка на првиот патент на УКИМ во областа на медицинската хемија за хибридни молекули со потенцијал за третман на Алцхајмеровата болест, зборуваше за трансформацијата на фармацијата и зголеменото учество на жените во оваа област. „Денес, повеќе од 90% од студентите на нашиот факултет се девојки. Оваа промена покажува што се случува кога на жените ќе им се отворат можностите за образование и професионален развој”, посочи проф. д-р Поцева Пановска.

Маријана Иловска Златановски, како претставник на Women in Tech North Macedonia, се осврна на порастот на бројот на жени во технологијата и на предизвиците поврзани со нивното учество на лидерски позиции. Но, иако бројот на жени во технолошкиот сектор расте, сè уште е потребно да се отстранат бариерите што го ограничуваат нивното напредување и лидерско учество. „Се радувам што денес работиме на надминување на тие бариери и охрабрување на девојките да преземаат поголема иницијатива. Дефинитивно има прогрес, но има уште многу да се работи”, нагласи таа.

Амбасадорот на Шведска, Ола Сулстрем, посочи дека напредокот на Шведска во СТЕМ е резултат на долгорочни инвестиции во образованието, истражувањето и иновациите.

„Успехот на Шведска во СТЕМ не се случи преку ноќ. Тој е резултат на генерациски инвестиции во образованието, истражувањето, иновациите и луѓето. Мојата порака до носителите на одлуки во Северна Македонија е да го направат истото: да инвестираат повеќе во образованието, во СТЕМ и, пред сè, во младите. Верувам дека иднината на оваа земја, на регионот и на светот во голема мера зависи од младата жена која денес има 20 години, која се прашува што следува и одлучува по кој пат ќе тргне”, истакна шведскиот амбасадор Сулстрем.

Од своја страна, проф. д-р Невенка Китева Роглева го сподели искуството од својата кариера во енергетиката, област во која традиционално доминираат мажите. Таа нагласи дека знаењето, интересот и квалитетното образование се поважни од родовите стереотипи, а поддршката од семејството и наставниците може да биде пресудна за девојките да се охрабрат да ги следат своите интереси во науката и технологијата.

Кога девојките и жените немаат еднакви можности да го развијат својот потенцијал, општеството губи таленти, идеи, можности за иновации и поефикасни решенија. Затоа, надминувањето на родовиот јаз во СТЕМ бара повеќе од разговори и дискусија – потребни се континуирана поддршка, видливи примери и еднакви можности за образование, напредување и лидерство.

Од идеја до одржлив бизнис – 700 Accelerator Hub отвора нови можности за локалните стартапи

Како се создаваат можности за младите претприемачи и како добрите идеи се претвораат во одржливи бизниси? Во рамки на серијата „Истражување на локалните успешни приказни“ (EU Support – Local Change), организирана од Europe House Тетово, заедно со група средношколци го посетивме 700 Accelerator Hub, сместен во кампусот на Универзитетот на Југоисточна Европа (SEEU) во Тетово.

Отворен во декември 2024 година во рамки на SEEU TechPark, 700 Accelerator Hub е основан со поддршка на Европската Унија преку проектот „ЕУ за економски раст“ (EU4EG), кофинансиран од ЕУ и Владата на Германија. Тој претставува значаен простор за развој на стартапи, претприемништво и иновации во Полошкиот регион, нудејќи можности што ги поврзуваат локалните таленти со знаење, менторство и деловни контакти.

Hub-от е насочен кон поддршка на младите и жените претприемачи, како и на стартапи во рана фаза, особено оние што развиваат технолошки, дигитални и зелени решенија. Преку својата програма, тој нуди 12-неделна обука, менторска поддршка и можности за вмрежување, а стартапите имаат потенцијал да добијат и коинвестиции.

700 Accelerator Hub е средина во која идеите се разменуваат и надградуваат, се поттикнува соработката, а иновативните решенија добиваат поддршка за да прераснат во одржливи бизнис-приказни.

Во рамките на серијата EU Support – Local Change, Europe House Тетово заедно со младите од регионот ги истражува успешните локални иницијативи и конкретните резултати од европската поддршка насочена кон одржлив економски раст.

#EUSupportLocalChange

LCOY2026: Младите бараат поголемо учество во климатските одлуки

Младите не треба само да бидат консултирани, туку активно да учествуваат во креирањето на климатските политики и одлуките што ја засегаат нивната иднина! – Токму ова беше главната порака од дво-дневната Младинска климатска конференција – LCOY2026, која се одржа во Europe House Скопје.

Организирана од младинската организација Kolektiv Z, LCOY2026 обедини повеќе од 50 млади луѓе – студенти, активисти и млади лидери – заедно со експерти и претставници на институциите и граѓанскиот сектор, со заедничка цел: да се отворат повеќе можности за суштинско, континуирано и структурирано учество на младите во носењето одлуки за климатските политики.

Преку дискусии, предавања и размена на мислења со претставници на Делегацијата на Европската Унија, УНДП,УНИЦЕФ,Министерството за животна средина и просторно планирање и организацијата Еко-свест, учесниците разговараа за актуелните климатски предизвици и за потребата младите да бидат вклучени во креирањето на решенијата. Во фокусот беше и воспоставувањето механизми што ќе овозможат нивното учество да не остане само повремен придонес, туку да стане составен дел од процесите на одлучување.

Конференцијата резултираше со моќна младинска изјава во која се изразени решеноста, очекувањата и барањата на генерацијата што не сака нејзиниот глас да остане на маргините:

„Нашата иднина не е предмет на преговори. Нашата земја не е на продажба. Нашите гласови ќе продолжат да се организираат, да пружаат отпор и повторно да градат праведно општество што го заслужуваме ние и идните генерации.“

Веруваме дека активното учество на младите во креирањето на климатските политики е и повеќе од неопходно, затоа што новите генерации се тие кои ќе живеат со последиците од денешните одлуки. Нивните ставови, идеи и барања треба да се земат предвид и да бидат дел од решенијата за создавање поодржлива иднина.

LCOY (Local Conference of Youth) 2026 е дел од меѓународната мрежа на младински климатски конференции што се организираат во различни земји под покровителство на YOUNGO – официјалната младинска заедница на конституенти на Рамковната конвенција на Обединетите нации за климатски промени (UNFCCC). Овие конференции ги поврзуваат младите активисти и студентите со научните, државните и бизнис лидерите, овозможувајќи им да ги надградат своите знаења и капацитети и да подготват национални младински декларации. Нивните пораки и препораки потоа се внесуваат во пошироките меѓународни климатски процеси и преговори, како што е глобалната Конференција на ОН за климатски промени (COP).

Од успешна винска приказна до нови идеи: Европската поддршка го поттикнува локалниот развој

Како европската поддршка придонесува за развојот на локалните бизниси? Одговорот го побаравме во срцето на тиквешкиот вински регион, во Винаријата Дане Хермес (Dane Hermes Wine Estate) во Неготино, која ја посетивме заедно со учениците од ОСУ „Јовче Тесличков“ – Велес.

За време на оваа едукативна посета, организирана од Europe House Велес како дел од серијата Wine Discovery Challenge, сопственикот на винаријата, Дане Јованов, им го претстави на средношколците процесот на производство на вино и начинот на кој функционира една винарија.

Оваа семејна винарија е меѓу локалните бизниси што добиле директна поддршка преку ИПАРД програмата 2021–2027 „Европски можности за македонското земјоделство и руралниот развој“, која им овозможува на земјоделските производители и претпријатијата да инвестираат во модернизација, подобрување на производството и проширување на своите капацитети.

Посетата им даде можност на учениците одблизу да видат како функционира еден семеен бизнис и како европската поддршка може да придонесе за неговиот развој. Но, учењето не заврши тука.

Поделени во тимови, учениците добија предизвик да размислуваат како вистински претприемачи: да осмислат нов безалкохолен производ од грозје, со сопствен концепт, брендирање и стратегија за пласман на пазарот.

Резултатот беа три креативни идеи: пилинг за тело од грозје, гумени бонбони од грозје и чипс од грозје. Тие покажаа дека еден традиционален земјоделски производ може да добие нова вредност и примена кога ќе се спојат знаењето, креативноста и претприемачкиот дух.

Оваа посета покажа дека европската поддршка за локалниот развој не значи само модернизација на производството и нови инвестиции. Таа придонесува и за поврзување на образованието со реалниот бизнис-сектор, овозможувајќи им на младите да учат од искуството на локалните производители, да размислуваат претприемачки и да ги претвораат своите идеи во можни нови производи.

Вистина или лажна вест: Europe House ги повикува младите да ја испробаат „ESCAPE FAKE”

Можеш ли да препознаеш што е вистина, а што е лага на интернет? Escape Fake, интерактивна игра со проширена реалност преку која младите учат да препознаваат лажни вести, манипулирани фотографии и дезинформации, сега е достапна и на македонски и албански јазик. Играта е бесплатна, може да се игра на мобилни телефони и таблети, а покрај двата јазика е достапна и на осум други европски јазици.

Во време кога дезинформациите и содржините создадени со вештачка интелигенција стануваат сè потешки за препознавање, Europe House мрежата ги повикува младите да ги тестираат своите вештини за критичко размислување преку игра. Наместо традиционални предавања, Escape Fake нуди интерактивно искуство во кое играчите истражуваат сомнителни информации, решаваат загатки и откриваат како дигиталните содржини можат да бидат манипулирани за да влијаат врз нашите ставови и одлуки.

Како дел од Деновите на медиумска писменост 2026, од 26 до 30 октомври Europe House организира интерактивни работилници за средношколци, на кои учениците имаат можност да ја испробаат играта и преку практични примери да научат како да препознаваат дезинформации.

Развиена во Европската Унија со поддршка на програмата Креативна Европа, Escape Fake ги води играчите низ интерактивно патување во светот на дезинформациите. Со помош на Хана, етички хакер и историчар, играчите истражуваат две мисии. Во „Музеј на дезинформации” откриваат историски фалсификати, манипулирани фотографии и „дипфејк” содржини, додека во „Ситуација во автобусот” истражуваат вирална лажна приказна, проверуваат извори и учат да препознаваат фишинг, сомнителни профили на интернет и дигитални манипулации.

Во рамки на работилниците, учениците учествуваат и во дискусии и практични вежби преку кои искуството од играта го поврзуваат со секојдневните ситуации на социјалните мрежи. Целта е младите да се охрабрат да ги преиспитуваат информациите што ги гледаат на интернет, да ги проверуваат изворите пред да споделат содржина и да развиваат вештини за носење информирани одлуки во дигиталниот свет.

Преку оваа иницијатива, Europe House и Делегацијата на Европската Унија сакаат да покажат дека учењето за медиумската писменост може да биде интересно, интерактивно и достапно за сите. Препознавањето на дезинформациите не е само корисна вештина, туку и важен дел од одговорното учество во дигиталниот свет.

Подготвен си да ги разоткриеш лажните вести? Europe House ги повикува младите, учениците и сите заинтересирани да ја испробаат „Escape Fake”, да ги тестираат своите знаења и преку игра да откријат како да се заштитат од дезинформации и манипулации на интернет.

„Escape Fake” е бесплатна и достапна за сите заинтересирани. Преземете ја апликацијата и започнете со играта.

PUBLIC SPACE MANAGER (EUROPE HOUSE KUMANOVO)

Junior Non-Key Expert Public Space Manager Europe House Kumanovo

The assignment will contribute to communicating actively, consistently and effectively about the European Union, its values and its objectives and actions, incl. the assistance provided to North Macedonia, and the EU accession process.

1. Assignment objective(s)

Based full-time in Kumanovo, the role of the Public Space Manager will be multi-fold:

1. S/he will be responsible for the smooth functioning of the EH as public space and running of all daily activities of the respective EH. Tasks range from ensuring high visibility of and interest in EH services among individual and group visitors, assisting the organisation of events in EH premises and handling public queries and requests, to following up on approved sponsorships. S/he will foster relationships with local and regional providers to share resources and information with the goal of cultivating EHs as safe and vibrant communities.

2. Pro-actively initiate and get engaged with the creation, development, organisation and full implementation of visible and popular public events in the Kumanovo region and at the EH Kumanovo public space.

3. S/he will oversee the daily operations and maintenance of EH as a public area, ensuring it is clean, safe, and well-maintained for the public’s enjoyment. This role encompasses a range of backstopping responsibilities, from managing the premises and infrastructure to addressing safety concerns and fostering community engagement.

4. S/he will provide for basic book-keeping of the EH running costs on a monthly basis and contribute to the financial reporting to the EUD.

The Public Space Manager will also hold responsibility for the local social media accounts and, while doing so, will ensure close coordination with the Social Media Manager.

2. Main Tasks/Activities

For this activity, we envisage one Junior expert to ensure the smooth running of EH Kumanovo as a public space, including the planning, organisation and running of all its daily activities and basic administration. The expert is expected to perform, but is not limited to, the following tasks:

• Manage the day-to-day operations of EH Kumanovo as a dynamic public space

• Ensure high visibility, visitor engagement, and a welcoming, inclusive atmosphere

• Support the organization and delivery of engaging public events and activities

• Build and maintain partnerships with local and regional stakeholders and communities

• Ensure the space is safe, clean, well-maintained, and ready for public use

• Keep basic monthly records of running costs and support financial reporting

• Manage and contribute to the Europe House’s local social media channels, including creation and promotion of content related to local activities and events, in coordination with the network team.

3. Related Outputs

The expert is expected to deliver the following outputs:

• EH Kumanovo open and operating as a public space to agreed standards, with daily activities run as planned

• Local events and activities organised and delivered in line with the approved EH programme

• Monthly records of EH running costs and input to the financial reporting

• Local social media channels active, with content on EH Kumanovo activities produced and published in coordination with the network team

• Monthly activity report (activities, visitors, partnerships) submitted to the Team Leader

4. Timing and duration of mission/s

The selected experts shall be engaged full-time in the period from November 2026 (indicative) until 15 January 2031. Experts will be allowed to register actual working hours in the timesheets.

5. Expert’s profile

Qualifications and skills

  • A Bachelor degree
  • Fluency in written and spoken English;
  • Fluency in at least one of the local languages; knowledge of more than one local language is a strong asset;
  • Fully computer literate;

 

General Professional experience 

  • Minimum 2 years’ general experience in business and/or office and/or public space management;

 

Specific Professional experience 

  • Experience in office administration (assistance, archiving, recording) and basic financial management/bookkeeping;
  • Experience in social media management;
  • Working experience in EU funded projects and good understanding of the European Union, EU values, and EU-related topics would be an asset
  • Knowledge of Kumanovo and the wider north-east region, and experience working with diverse local communities, would be an asset;
  • Strong organisational, communication, and coordination skills, with the ability to manage a busy public space, engage diverse audiences, oversee daily operations and social media activities, and work effectively within a networked team environment.
  • Dynamic, motivated, highly committed, and reliable, with a willingness to work long-term.

 

6. Performance indicators

The indicators reflecting the expert’s performance are: good planning and execution of the assignment, timely presentation of results and outputs, quality of documents and monthly reporting to be provided to the Team Leader and the Beneficiary.

7. Evaluation of work

Performance of the expert will be assessed by the Team Leader and Project Manager based on the monthly reporting from the expert.

8. Other arrangements

Liaise with Team Leader and the other experts when needed on all steps related to the accomplishment of the above mentioned tasks, to inform and receive approval on all implementation aspects as per Europe House internal rules and procedures.

In accordance with the standard operating procedure, the expert will complete and sign a monthly timesheet for approval and signature by the Team Leader and EUD, reflecting the actual working hours rendered, briefly indicating the place where, and the task for which, these were rendered.

Applications, including a CV and Cover Letter, should be sent to aneta.spirkoska@gopa.eu and euwithyou_mk@gopa.eu no later than 8 November 2026 (close of business).

Please indicate the following in the email subject line:
Application_Position_Kumanovo

Only shortlisted candidates who meet the required criteria will be contacted.

Кафе со амбасадори во Велес: Дигитализација, сајбер-безбедност и ФИМИ

Вчера во Europe House Велес се одржа ново издание на „Кафе со амбасадори”, посветено на темата „Дигитализација, сајбер-безбедност и ФИМИ (странско мешање и манипулирање со информации)”, со учество на амбасадорот на Франција, Н.Е. Кристоф Ле Риголер, и амбасадорот на Италија, Н.Е. Паоло Палминтери.

Во разговорот учествуваа претставници од локалните институции, медиумите, граѓанското општество и бизнис-заедницата, како и млади и професори. Во фокусот беа влијанието на дигиталните платформи врз јавниот простор и демократијата, независноста на медиумите, заштитата на правата на граѓаните на интернет и предизвиците поврзани со дезинформациите и сајбер-безбедноста.

Дискусијата се осврна на прашањето кој ги поставува правилата и влијание на содржините што ги гледаме, споделуваме и читаме на платформите, како и на напорите на Европа да ги заштити граѓанските права и демократските вредности во дигиталната средина. Беа отворени и прашањата за европските правила за дигиталните платформи, за односот меѓу заштитата на демократијата и слободата на говорот, но и за тоа како да се зајакне новинарскиот интегритет, и локално и глобално.

Сајбер-нападите беа разгледани како безбедносен предизвик, а не само како технички проблем. Посебно внимание беше посветено на странското мешање и дезинформациите во Европа и Западен Балкан. Се разговараше за тоа како постојните поделби и нерешените спорови може да бидат искористени за ширење пораки што ја поткопуваат довербата и придонесуваат за нестабилност. Учесниците разговараа и за тоа што можат да направат земјите кандидати уште пред членството во ЕУ за да ја заштитат демократијата и информацискиот простор, како и за поддршката што земјите членки можат да ја понудат.

На крајот, учесниците беа поканети да размислат за тоа што можат да направат локалните институции, медиумите, училиштата, граѓанското општество и бизнис-заедницата за нивните заедници да бидат поотпорни на манипулации.

„Кафе со амбасадори“ е дел од активностите на Europe House, насочени кон отворање простор за дијалог за европските политики, искуства и вредности и нивното практично значење за граѓаните и локалните заедници низ Северна Македонија.

Истражување на можностите за студирање во ЕУ: од стипендии до студентски размени

Саемите за можности за студирање во ЕУ (Study Opportunities in the EU), организирани во Europe House Битола и Europe House Тетово, им овозможија на младите одблизу да ги истражат образовните програми во Европа, отворајќи им нови академски хоризонти и инспиративни разговори за иднината!

Овие еднодневни настани во рамки на Erasmus Days 2026, ги поврзаа идните студенти со претставници на амбасади и образовни институции, кои споделија практични информации за стипендии, студентски размени и програми за академска мобилност.

Europe House Битола: Твојата можност за студирање во Европа започнува тука!

Саемот во Europe House Битола ги обедини претставниците на амбасадите на Франција, Австрија, Германија, Грција и Бугарија, претставници на програмата Еразмус+ и локални академски институции. Покрај информациите за студиските програми и можностите за финансиска поддршка, младите имаа можност да слушнат и искуства од свои врсници кои веќе студирале во странство.

Разговорите им помогнаа на младите посетители директно да се запознаат со чекорите потребни за продолжување на образованието во некоја од европските земји. Но, академското знаење не е единствената придобивка. Студирањето во странство отвора простор за запознавање со нови култури, создавање пријателства, и стекнување вештини и искуства што остануваат за цел живот.

Europe House Тетово: Следните чекори кон европско академско искуство

Во Europe House Тетово, саемот ги доближи европските студиски програми до младите од Полошкиот регион. Претставници на амбасадите на Бугарија, Франција, Германија, Италија и Шведска, заедно со Националната агенција за европски образовни програми и мобилност, ја претставија широката палета можности што им се достапни на идните студенти од Северна Македонија.

Настанот ги охрабри младите да поставуваат прашања, да ги истражат можностите за стипендии и студентски размени, но и да размислат како студирањето во некоја од земјите на ЕУ може да влијае врз нивниот академски и личен развој.

Од академки амбиции до конкретни планови

Саемите за можности за студирање во ЕУ имаа за цел да ги поттикнат младите да размислуваат надвор од познатите граници, да поставуваат прашања и да истражат како студирањето во друга европска земја може да ја обликува нивната иднина. Преку вакви иницијативи, мрежата на Europe House придонесува младите информирано да ги направат следните чекори кон своите академски цели и да ги претворат амбициите во конкретни планови.

Понекогаш, патот до европски универзитет започнува со еден разговор што отвора сосема нов свет на можности.

 

„Студентите ја креираат агендата“ – серијата дијалози со евроамбасадорот започна на УКИМ

Денес, амбасадорот на Европската Унија, Михалис Рокас, се сретна со студенти од Универзитетот „Св. Кирил и Методиј“ во Скопје (УКИМ) во рамките на првото издание на „Студентите ја креираат агендата“ – серија универзитетски дијалози во која младите самите ги избираат темите за кои сакаат да разговараат.

Оваа иницијатива, организирана од Делегацијата на Европската унија и Europe House, во партнерство со Правниот факултет „Јустинијан Први“ – Скопје и Студентарија, ги става студентите во центарот на разговорите за нивната иднина. Целта е да им се отвори простор да ги постават своите прашања, да ги споделат своите искуства и директно да разговараат со евроамбасадорот за своите очекувања и приоритети.

Студентите самите ги предложија и избраа темите за дискусија, а активно го насочуваа и текот на разговорот, преземајќи ја на тој начин иницијативата во свои раце. Тие покренаа прашања поврзани со евроинтеграциите на земјата, владеењето на правото, можностите за младите и нивната улога во обликувањето на иднината на земјата.

Амбасадорот Рокас ја истакна важноста на обновената доверба, политичката посветеност и континуираните реформи – особено во насока на зајакнување на независноста и ефективноста на институциите – како клучни чекори за напредок на европскиот пат на земјата.

Тој се осврна и на можностите што ги нуди ЕУ, меѓу кои и програмата „Еразмус+“, охрабрувајќи ги младите да стекнуваат меѓународно искуство, знаењето да го вратат дома и да преземат поактивна улога во јавниот живот, придонесувајќи за позитивни промени и создавање подобри можности за идните генерации.

„Навистина уживав во денешната средба со студентите на УКИМ во Скопје. Претставуваше освежување да се чујат нивните прашања, идеи и грижи, и да се оствари толку отворена и искрена размена на мислења. Младите имаат многу што да кажат за својата иднина, а ние треба да ги сослушаме. Ваквите разговори нè зближуваат и ни помагаат да создадеме подобра иднина. Но, не станува збор само за слушање. Младите треба да имаат вистински глас и во донесувањето одлуки што влијаат врз нивните животи и врз иднината на нивната земја“, изјави евроамбасадорот Рокас.

Средбата на УКИМ е прва од серијата посети што евроамбасадорот ќе ги оствари на универзитетите низ земјата во рамки на иницијативата „Студентите ја креираат агендата“ (Students Set the Agenda). Целта е непосредно да се слушнат ставовите на младите за европската иднина на Северна Македонија и за улогата што сакаат да ја имаат во нејзиното обликување.

Овој серијал е во организација на Делегацијата на Европската Унија и Europe House, во партнерство со универзитетите во Северна Македонија и „Студентарија“ – најголемата студентска платформа предводена од млади. Во текот на академската година, студентите од целата земја ќе имаат можност да ги стават своите приоритети на агендата на евроамбасадорот.

Subscribe To our newsletter!