Author: euhouse

Europe House Shkup shënoi përvjetorin e katërt, me ekspozitë dhe ceremoni gjatë së cilës u dhanë çmimet e konkursit arkitekturor dhe urban “Shkupi i gjeneratës së re”. Kjo ngjarje shfaqi talentin e arkitektëve të rinj të cilët do të kontribuojnë në zhvillimin urban të Shkupit.

Konkursi kishte 12 propozime nga 24 arkitektë të rinj, secili duke paraqitur plane për të ringjallur vende të ndryshme brenda qytetit. Çmimi i parë iu nda veprës “Zambak për Atë” (Lotus 4 Her) nga Antonio Grujevski i vendosur në shatërvanin Lotus në parkun e qytetit të Shkupit. Çmimin e dytë e morën Daniela Vasileva, Sara Veleska dhe Sara Trajkova për “Riimagjinimi i valëve të ngjyrave” (Reimagining Colorwaves), me qendër rreth bregut Dimitar Vlahov në lumin Vardar. Çmimin e tretë e morën Natalie Veleska, Alen Cvetkovski dhe Donna Mitrovska për projektin e tyre “SpineX”, që kishin për qëllim rigjallërimin e rrugës së “Plastikave” (Plasticharska).

Ngjarja u organizua në Postën Qendrore të Shkupit, vend me rëndësi të konsiderueshme historike, që është njohur nga Europa Nostra si një nga shtatë vendet më të rrezikuara të trashëgimisë evropiane. Më 26 korrik, datë kjo që përkon me 60 vjetorin e tërmetit shkatërrues të Shkupit, Europa Nostra, në bashkëpunim me Institutin e Bankës Evropiane për Investime, tërhoqi vëmendjen rreth nevojës urgjente për restaurimin e kësaj ndërtese. Kjo ndjenjë u pasqyrua edhe në fjalimin e bërë nga ambasadori i BE-së, Dejvid Gir, i cili theksoi rëndësinë e veprimit të menjëhershëm për të ruajtur këtë ndërtesë historike.

“Sot qëndrojmë këtu, në Postë, që ndoshta paraqet shembullin më emblematik të artit brutalist; një estetikë që formësoi identitetin arkitektonik të Shkupit pas tërmetit, për të kujtuar trashëgiminë kulturore që duhet mbrojtur dhe çmuar. Sot, Posta vazhdon të jetë pa çati dhe nën rrezik të madh, rrezik i cili rritet vazhdimisht, nga mospërdorimi dhe përkeqësimi. Megjithatë, Posta, sipas fjalëve të Sartrit, nuk e pranon humbjen! Mirëpo as ne. Për këtë arsze vendosëm të shënojmë ditëlindjen e katërt të Europe House pikërisht këtu. Në ditën e çlirimit të Shkupit.” – u shpreh ambasadori Gir.

Ministrja e Kulturës, Bisera Kostadinovska-Stojçevska, në fjalimin e saj falënderoi ambasadorin Gir dhe theksoi se “Kjo ngjarje e rëndësishme, e Europe House Shkup me karakter kulturor, arriti të bashkojë historinë dhe të ardhmen, me krijimtarinë e studentëve të arkitekturës.” Ajo shtoi se ky konkurs ka bërë një hap përpara dhe ka lidhur të shkuarën me aspiratat për të ardhmen.
Konkursi Shkupi i gjeneratës së re u vlerësua nga një juri prej 5 anëtarësh nga të pesë fakultetet e arkitekturës në Shkup, (Universiteti Ndërkombëtar Ballkanik, Universiteti Amerikan Kolegji Shkup (UACS), Universiteti MIT, Fakulteti i Shkencave Sociale (FON) dhe Universiteti “Shën. Kirili dhe Metodi” Shkup). Prof. Dr. Bojan Karnakov, në emër të jurisë shpjegoi se: “Qëllimi kryesor i konkursit është të frymëzojë ide inovative për dizajnin arkitekturor dhe urban që do të rriste ndjenjën e bashkësisë në hapësirat publike të pjesëve të qytetit të lëna në kujtesa të Shkupit, ku arkitektët e rinj deri në moshën 35 vjeç do të fokusoheshin në rimendimin dhe ridekorimin e pjesëve të qytetit, në mënyrë që të krijonin një mjedis të qëndrueshëm dhe gjithëpërfshirës.”

Projekti fitues “Zambak për atë” (Lotus 4 her), i realizuar nga arkitekti i ri Antonio Grujevski, përfaqëson një projekt vizionar të peizazhit dhe restaurimit që synon të rrisë qëndrueshmërinë e gjelbër brenda strukturës urbane të Shkupit, duke u bërë homazh grave arkitekte pioniere që luajtën rol kryesor në rindërtimin e qytetit pas tërmetit në vitin 1963. Në fjalimin e pranimit, Grujevski reflektoi “Për një muaj do të jemi në vitin 2024 dhe të gjithë politikanët dhe disa kolegë tanë ende po flasin për Shkupin 2014. Bota po ecën përpara. Evropa po ecën përpara. Kemi sfida me ndryshimet klimatike, me pavarësinë energjetike dhe me ndotjen e ajrit. Këto janë sfida në të cilat ne duhet të fokusohemi dhe t’i bashkohemi vizioneve të Bashkimit Evropian”.
Ekspozita në Postën Qendrore do të jetë e hapur për publikun tre ditët e ardhshme, nga e marta në të enjte, prej ora 12:00 deri në ora 15:00.

Shkup, 13 nëntor, 2023

Europe House Shkup shënoi përvjetorin e katërt, me ekspozitë dhe ceremoni gjatë së cilës u dhanë çmimet e konkursit arkitekturor dhe urban “Shkupi i gjeneratës së re”. Kjo ngjarje shfaqi talentin e arkitektëve të rinj të cilët do të kontribuojnë në zhvillimin urban të Shkupit.

Konkursi kishte 12 propozime nga 24 arkitektë të rinj, secili duke paraqitur plane për të ringjallur vende të ndryshme brenda qytetit. Çmimi i parë iu nda veprës “Zambak për Atë” (Lotus 4 Her) nga Antonio Grujevski i vendosur në shatërvanin Lotus në parkun e qytetit të Shkupit. Çmimin e dytë e morën Daniela Vasileva, Sara Veleska dhe Sara Trajkova për “Riimagjinimi i valëve të ngjyrave” (Reimagining Colorwaves), me qendër rreth bregut Dimitar Vlahov në lumin Vardar. Çmimin e tretë e morën Natalie Veleska, Alen Cvetkovski dhe Donna Mitrovska për projektin e tyre “SpineX”, që kishin për qëllim rigjallërimin e rrugës së “Plastikave” (Plasticharska).

Ngjarja u organizua në Postën Qendrore të Shkupit, vend me rëndësi të konsiderueshme historike, që është njohur nga Europa Nostra si një nga shtatë vendet më të rrezikuara të trashëgimisë evropiane. Më 26 korrik, datë kjo që përkon me 60 vjetorin e tërmetit shkatërrues të Shkupit, Europa Nostra, në bashkëpunim me Institutin e Bankës Evropiane për Investime, tërhoqi vëmendjen rreth nevojës urgjente për restaurimin e kësaj ndërtese. Kjo ndjenjë u pasqyrua edhe në fjalimin e bërë nga ambasadori i BE-së, Dejvid Gir, i cili theksoi rëndësinë e veprimit të menjëhershëm për të ruajtur këtë ndërtesë historike.

“Sot qëndrojmë këtu, në Postë, që ndoshta paraqet shembullin më emblematik të artit brutalist; një estetikë që formësoi identitetin arkitektonik të Shkupit pas tërmetit, për të kujtuar trashëgiminë kulturore që duhet mbrojtur dhe çmuar. Sot, Posta vazhdon të jetë pa çati dhe nën rrezik të madh, rrezik i cili rritet vazhdimisht, nga mospërdorimi dhe përkeqësimi. Megjithatë, Posta, sipas fjalëve të Sartrit, nuk e pranon humbjen! Mirëpo as ne. Për këtë arsze vendosëm të shënojmë ditëlindjen e katërt të Europe House pikërisht këtu. Në ditën e çlirimit të Shkupit.” – u shpreh ambasadori Gir.

Ministrja e Kulturës, Bisera Kostadinovska-Stojçevska, në fjalimin e saj falënderoi ambasadorin Gir dhe theksoi se “Kjo ngjarje e rëndësishme, e Europe House Shkup me karakter kulturor, arriti të bashkojë historinë dhe të ardhmen, me krijimtarinë e studentëve të arkitekturës.” Ajo shtoi se ky konkurs ka bërë një hap përpara dhe ka lidhur të shkuarën me aspiratat për të ardhmen.

Konkursi Shkupi i gjeneratës së re u vlerësua nga një juri prej 5 anëtarësh nga të pesë fakultetet e arkitekturës në Shkup, (Universiteti Ndërkombëtar Ballkanik, Universiteti Amerikan Kolegji Shkup (UACS), Universiteti MIT, Fakulteti i Shkencave Sociale (FON) dhe Universiteti “Shën. Kirili dhe Metodi” Shkup). Prof. Dr. Bojan Karnakov, në emër të jurisë shpjegoi se: “Qëllimi kryesor i konkursit është të frymëzojë ide inovative për dizajnin arkitekturor dhe urban që do të rriste ndjenjën e bashkësisë në hapësirat publike të pjesëve të qytetit të lëna në kujtesa të Shkupit, ku arkitektët e rinj deri në moshën 35 vjeç do të fokusoheshin në rimendimin dhe ridekorimin e pjesëve të qytetit, në mënyrë që të krijonin një mjedis të qëndrueshëm dhe gjithëpërfshirës.”

Projekti fitues “Zambak për atë” (Lotus 4 her), i realizuar nga arkitekti i ri Antonio Grujevski, përfaqëson një projekt vizionar të peizazhit dhe restaurimit që synon të rrisë qëndrueshmërinë e gjelbër brenda strukturës urbane të Shkupit, duke u bërë homazh grave arkitekte pioniere që luajtën rol kryesor në rindërtimin e qytetit pas tërmetit në vitin 1963. Në fjalimin e pranimit, Grujevski reflektoi “Për një muaj do të jemi në vitin 2024 dhe të gjithë politikanët dhe disa kolegë tanë ende po flasin për Shkupin 2014. Bota po ecën përpara. Evropa po ecën përpara. Kemi sfida me ndryshimet klimatike, me pavarësinë energjetike dhe me ndotjen e ajrit. Këto janë sfida në të cilat ne duhet të fokusohemi dhe t’i bashkohemi vizioneve të Bashkimit Evropian”.

Ekspozita në Postën Qendrore do të jetë e hapur për publikun tre ditët e ardhshme, nga e marta në të enjte, prej ora 12:00 deri në ora 15:00.

Më 13 nëntor, me fillim nga ora 18:30, në shenjë të 60-vjetorit të tërmetit të Shkupit, në ambientet e Postës së Shkupit, Europ House do të jetë nikoqir i ekspozitës frymëzuese arkitekturore e cila doli nga konkursi “Shkupi gjeneratës së re”. Ekspozita do të hapet zyrtarisht nga ambasadori David Geer, i cili do të shpallë edhe fituesit e konkursit.

Faza e aplikimit solli propozime të shkëlqyera arkitekturore inovative ku secili prej propozimeve paraqet një mundësi për një hap drejt një qyteti më gjithëpërfshirës dhe të rigjallëruar, si dhe mundësi për modernizimin e Shkupit. Jemi pozitivisht të suprizuar nga cilësia dhe krijimtaria e arkitektëve të rinj, pasiqë vizioni që morëm nga propozimet është mjaft frymëzues dhe jep shpresë për të ardhmen e qytetit.

Ky manifestim do të jetë i natyrës së hapur dhe do të zhvillohet në sportelin e Postës së Shkupit. Të gjithë ata që nuk do të mund të jenë në ngjarjen kryesore do të kenë mundësinë ta vizitojnë ekspozitën në tre ditët në vijim, me saktësisht nga data 14 deri më 16 nëntor, nga ora 12:00 deri në orën 15:00.

Ejani të festojmë 13 Nëntorin, ditën e qytetit, si edhe ditëlindjen e katërt të Europe House Shkup.

Ju presim!

Detajet e ngjarjes
Ngjarja: Ekspozita arkitekturore “Shkupi i gjeneratës së re”.
Data: E hënë, 13 nëntor 2023
Ora: 18:30
Vendi: Posta Qendrore Shkup
Kodi i veshjes: Rekomandohen veshje të ngrohta.

Përmbledhje

Duke shënuar 60 vjet nga tërmeti shkatërrues në Shkup, Europe House shpall me krenari konkursin arkitektonik “Shkupi i gjeneratës së re.” Ftojmë arkitektët e rinj dhe planifikuesit urbanë të sjellin ide të reja që do ta transformojnë Shkupin në një qytet më gjithëpërfshirës dhe më të arritshëm. Ky është më shumë se një konkurs dizajni; është një mision për të përmirësuar hapësirat e lëna pas dore dhe për ta bërë qytetin më të mirë për të gjithë.

Pse të marrësh pjesë?

• Rigjallëroni Shkupin: Ky konkurs ju jep mundësinë t’i jepni gjallëri hapësirave të
• vjetra dhe të harruara të qytetit.
• Fito çmime në para: Jo vetëm që do të kontribuosh në arkitekturën e qytetit, por do të kesh gjithashtu një shans për të fituar deri në 1,500 €.
• Fito njohje: Një panel ekspertësh nga universitetet dhe organizatat më të mira do të shqyrtojnë punën tuaj, duke ju dhënë mundësinë për njohje profesionale.

Kush do  t’ju vlerësojë?

Regjistrimet do të vlerësohen nga një panel ekspertësh nga institucione arsimore prestigjioze si Universiteti Ndërkombëtar Ballkanik, Universiteti Amerikan i Shkupit (UACS), Universiteti MIT, Fakulteti i Shkencave Sociale (FON) dhe Universiteti i Shën Kirilit dhe Metodit në Shkup. Të gjitha regjistrimet do të jenë anonime, duke siguruar një mundësi të drejtë dhe të barabartë për të gjithë pjesëmarrësit.

Data të rëndësishme

• Fillimi i aplikimit: 4 shtator 2023
• Afati i aplikimit: 22 tetor 2023
• Afati i pyetjeve: 18 shtator 2023 (me përgjigjet që do të publikohen më 25 shtator)
• Ceremonia dhe ekspozita e ndarjes së çmimeve: 13 nëntor 2023

Si të aplikoni

Nëse keni pyetje në lidhje me konkursin, mund t’i dërgoni me email në competition@europehouse.mk deri më 18 shtator, dhe përgjigjet do të publikohen më 25 shtator. Më shumë detaje mund të gjeni në udhëzimet e konkursit të disponueshme për shkarkim në maqedonisht, shqip dhe anglisht më poshtë këtij teksti.

Bashkohuni me ne

Mos e humbisni këtë shans për të qenë pjesë e së ardhmes së Shkupit. Le të punojmë së bashku për ta bërë Shkupin një vend që brezat e ardhshëm do të jenë krenarë ta quajnë shtëpinë e tyre.

Guidelines Shkupi i gjeneratës së re

Locations for Competition

B2 Template

Formular përshkrimi

Pyetje dhe përgjigje

Konkursi është mbyllur

Europe House Shkup me krenari shpall Piknikun në Ditën e Evropës, një ditë të festës, rekreacioniot, dhe argëtimit për të përkujtuar Ditën e Evropës në 13 maj. Pikniku do të jetë në parkun piktoresk të Gazi Babës në Shkup, ngjarja do të fillojë nga ora 12:00 dhe do të shfaqë një formacion emocionues të aktiviteteve për të gjitha moshat.

Pikniku i Ditës së Evropës synon të mbledhë njerëz nga të gjitha sferat e jetës për të marrë pjesë në ngjarje sportive, arsimore dhe argëtuese, duke përqafuar idenë se “e ardhmja na lidh!” Dita do të fillojë me një maratonë simbolike nëpër shtigjet e parkut, duke ofruar një mundësi për të gjithë që të bashkohen në festime.

Parku i Gazi Babës është shtëpia e llojeve të shumta endemike dhe të rralla të bimëve dhe zogjve. Në bashkëpunim me Fakultetin e shkencave të natyrës dhe kopshtin botanik, do të organizohen ekspozita informuese dhe shëtitje me udhërrëfyes nëpër park për të rriturit dhe nxënësit e shkollave të mesme. Këto shëtitje do të udhëhiqen nga biologë të rinj, duke theksuar rëndësinë dhe domethënien e florës dhe faunës unike të parkut.

Fëmijët mund të presin me padurim një kënd të dedikuar për argëtim/fëmijë, të kompletuar me lojëra interaktive dhe punëtori të artit. Ngjarja do të përfshijë gjithashtu kamionë ushqimorë të lëvizshëm lokal, mbështetjen e bizneseve të vogla të drejtuara nga sipërmarrës të rinj dhe përforcimin e lidhjeve që sjell e ardhmja jonë e përbashkët.

Pjesa më e rëndësishme e Piknikut në Ditën e Evropës është programi i gjallë muzikor, duke shfaqur një përzierje eklektike të grupeve lokale dhe DJ-ve. Formacioni ynë përfshin performuesit e mëposhtëm: Vlatko Stefanovski Trio, Këpurdhat, Crno Sobranie, Noviot Pocetok, Jazz Trio Zulu 3.4, Antonie Veskovski, Iskra, DJ Doube G.

Ambasadori i BE-së në Maqedoninë e Veriut, Dejvid Gir, do të jetë i pranishëm, duke e bërë këtë ngjarje një mundësi unike për të festuar unitetin dhe kulturën evropiane me komunitetin lokal.

Ne inkurajojmë ngrohtësisht të pranishmit të përqafojnë frymën e lidhjes dhe qëndrueshmërisë me çiklizëm në piknikun e Ditës së Evropës në Parkun e Gazi Babës. Pra, merrni biçikletën tuaj, ftoni miqtë dhe familjen tuaj dhe pedaloni rrugën tuaj në një ditë të paharrueshme të festimit, ndërsa ne bashkohemi për të nderuar lidhjet që formojnë të ardhmen tonë të përbashkët evropiane. Mos e humbisni këtë ngjarje ngazëlluese – bashkohuni me ne në Parkun e Gazi Babës më 13 maj për një festë të paharrueshme në Ditën e Evropës!