🟠Во текот на кампањата „16 дена активизам против родово базираното насилство“, во Europe House Струмица се одржа дискусија насловена “Една од три” на која главната тема беше сексуалното насилство врз жените.
Зборувавме за што е всушност сексуално насилство, неговите форми, влијанието на менталното здравје и што може ние да сториме за да го искорениме. На дискусијата беа презентирани одговорите од претходно спроведената анкета “Не повеќе!” и исто така ја дискутиравме изложбата “Се гледаш ли меѓу редовите?”
Мило ми е да ве поздравам по повод објавувањето на првото издание на овој електронски билтен. Buzz е најновата алатка со која ќе ве информираме за она што се случува во Europe House и што се нуди таму за вас како млади луѓе.
Ова прво издание го објавуваме во исто време кога започнуваме и активности за подигање на јавната свест за кампањата Зелен договор. Можеби веќе сте виделе некои од билбордите низ целата земја. Климатските промени се факт. А последиците од нив ќе станат уште посериозни – во сите делови на планетата. Оваа кампања е повик за будење. Треба да дејствуваме – веднаш и на глобално ниво. И сите ние треба да дадеме свој придонес.
Сите се сеќаваме на разорните шумски пожари минатото лето и смртоносните поплави пред неколку години. Многумина од нас, барем одреден дел од годината, дишат воздух со лош квалитет. Сите ги знаат дивите депонии кои ја загадуваат земјата и водата и се неубава глетка за минувачите. И сите сакаме ова да се промени.
Промената е можна; но таа зависи од сите нас. Сите ние имаме свој удел: властите на сите нивоа; бизнисите и индустријата; граѓанските организации и обичните граѓани; секој од нас, и треба да работиме заедно за да го трансформираме светот во кој живееме.
Затоа ве молиме придружете ни се во промовирањето на Зелениот договор и подигањето на свеста за тоа што треба да се направи за да се изгради зелена и одржлива иднина.
Во меѓувреме, останете во тек со Buzz. Ви посакуваме среќна, здрава и позелена 2022 година.
Амбасадор Дејвид Гир Шеф на делегацијата на ЕУ
Ви благодариме што бевте дел од нашиот 2 роденден!
Europe House не е само простор – Europe House е идеја за проактивна, критична и инклузивна младина. Токму поради таквиот дух решивме Europe House да отиде на местата на младите. Поттикнати од столбовите на дејствување на Europe House како место на новата генерација, кое ја поддржува културата, активно и одговорно се грижи животната средина, едуцира и инспирира, реализиравме програма низ целиот месец преку:
Дебата за „Conference on the Future of Europe”
Прашањето е сега: „Во каква Европа сакаме да живееме?“. Со промените треба да се почне уште денес! Само така во иднина ќе живееме во општество во кое ќе знаеме дека гласот на младите учествувал во кроењето на иднината и дека младите биле нераскинлив дел од ланецот на оние кои ги прават разликите. Таквиот проактивен пристап силно го поддржува Europe House Скопје и за таа цел зазема активно учество во почетокот на серијал дискусии поттикнати од “Conference on the Future of Europe”, од перспектива на младите од Западен Балкан.
На овој настан ги вмреживме Европски амбасадори кои беа во посета на Европскиот Парламент во Стразбур и локалните млади за да разменат искуства и гледишта.
Театарска претстава „Што е силеџија“?
Долгогодишното следење и работа со млади секогаш го актуелизира прашањето на насилството помеѓу младите. Толеранцијата е еден од приоритетите за разбирање и прифаќање на различностите. Претставата „Што е силеџија?“ е рефлексија на младите и нивниот начин на комуникација, која сакавме да им ја прикажеме – како можност да се погледнат од страна и самостојно да го воочат проблемот. Актерската екипа од Театарот за деца и младинци поттикна одлична дебата која им помогна на младите да ги бараат решенијата на проблемите кои самите ги лоцираа. Претставата се одржа на 4ти Ноември симболично на International Day against Violence and Bullying at School Including Cyberbullying.
Музичка програма
Една од нашите најголеми пасии е забавата! Како секогаш што го даваме својот максимум за да постигнеме задоволително ниво на квалитет, така е и во поглед на забавите.
Секако, кога ќе ја погледнеме пошироката слика, во името на добрата дружба и вмрежувањето секогаш е иницијативата за поддршка на младите артисти и локалните мали бизниси.
Овој роденден посетивме 4 локални барови и поддржавме 4 различни изведувачи, „кликнавме“ со нов фотограф и ги најдовме нашите нови херои – средношколските бендови кои не` потсетија дека секогаш она што го правиме треба да го правиме со многу жар и максимална посветеност!
Музичката програма беше многу повеќе од убава дружба, беше иницијација низ самите себе и градските места и ликови кои се чини малку сме ги подзаборавиле (оправдано).
Неформална дружба со #green CSOs
Проактивност кон предизвиците кој ни ги носи секојдневието во сферата на животната средина секогаш била една од нашите фокуси. Начинот на кој Europe House ги продуцира своите содржини и делокругот на дејствување се трудиме секогаш да биде #EocFriendly и ја чувствуваме потребата одговорно да се однесуваме кон животната средина. Сакавме да направиме еден настан каде ќе им се заблагодариме на сите наши соработници од секторот на животната средина и на оние кои не ги познаваме но, се локални еко херои. Бостание е местото кое симболично го одбравме за ова неформално дружење. Во придружба на етно бендот Перија и специјалитети од Бистро Гранче, ЕУ Амбасадорот Дејвид Гир и Заменик Амбасадорот Jullian Vassllo имаа можност да се запознаат со активистите и заеднички со конкретни акции да придонесат кон првата општествена градина – Бостание.
Но, тука не застануваме! Рано е да ви ги соопштиме следните #ЗЕЛЕНИИДЕИ, дозволете ни да ве изненадиме!
Debate with Young European Ambassadors, university and student representatives as part of our youth contributing to the CoFoE
Како можеме да обезбедиме квалитетно образование, активно учење и повеќе можности за секого? Како можеме да обезбедиме младите да имаат повеќе можности и целосно да учествуваат во сите области на општеството? Ова се прашања кој си ги поставува и секој млад човек. Затоа ние се трудиме да ги акцентираме ваквите предизвици и целиме кон заедничко учество кон создавање на еднакви можности за секого. Следните креатори на одлуките и оние кои се носители на промените, дебатираа со Амбасадорот Гир истакнувајќи ги очекувањата и предизвиците. Активно учество во дебатата зазема и студентскиот парламент, претставници на средношколците и Младите Европски Амбасадори.
Наша обврска е да делуваме темелно, сериозно и навремено, се стремиме кон ширење на таквиот принцип помеѓу младите ширум земјата!
Го прославивме вториот роденден со мали но, значајни настани за да иницираме идни големи победи!
Да ѕирнеме во работилницата на големите мајстори
Ако некогаш сте сакале да ѕирнете во работилниците на големите мајстори, Europe House секогаш ви дозволува да го доживеете пулсот на тоа инспиративно катче. Местото на новата генерација е простор на кохезија каде се сретнува младешкиот ентузијазам и искуството на големите мајстори. Со голема чест го пречекавмеBRIAN RASIC – еден од најголемите уметници во областа на фотографијата чие портфолио гордо ги вбројува фотографиите од Muddy Waters, Robbie Williams, Sinatra, Paul McCartney и многу други светски имиња! “Music in Pictures: Four Decades of life in music. And a bit of this and that“ беше неговото излагање, чии трикови и инспирации ќе останат да се применуваат и развиваат како наследство за младите фотографи.
Отаде нивната битка Europe House ја подигнува свеста за ретките здравствени предизвици
Во рамките на иницијативата на Делегацијата на ЕУ, Europe House ги здружи силите со млади медицински професионалци – Клубот на млади лекари, Здруженијата на резидентни лекари и млади лекари и на студенти по медицина. Инициравме низа активности на Светскиот ден на здравјето, со цел да се поттикне дебата и да се подигне свеста за здравствените предизвици, онаму каде што е најпотребно.
Го одбележавме 21 ноември, Европскиот ден за подигање на свеста за цистичната фиброза. Целта беше да ги посочи условите и предизвиците со кои луѓето и родителите се соочуваат и како секојдневно се справуваат со оваа ретка болест.
Со учество и безрезервна поддршка на ЕУ амбасадорот Дејвид Гир, како и на првата дама, г-ѓа Елизабета Ѓоргиевска, се разви значајна и конструктивна дебата, обезбедувајќи заеднички простор за учесниците на оваа тема да ги разгледаат следните чекори за подобрување во нивната специфична средина.
Серијата веќе продолжи да посветува простор на здравствени субјекти секаде и секогаш кога е потребно.
Дали некогаш сте се обиделе да влезете во туѓа кожа?
Нашето поднебје е ризница на различности и токму во нив ги гледаме силните страни. Тука каде што се спојуваат истокот и западот, во миксот на различните култури и традиции со влијание на она што го носи модерното време, има доволно место за сите. Дали е тешко за новите генерации да ги прифатат разликите и да ги почитуваат?
Целта на местото на новата генерација е токму тоа – да ги поттикнеме младите да ги прошират своите хоризонти, да им овозможиме да се поврзат со млади од регионот и од Европа, да ги прифатат, почитуваат и поддржат разликите за да го најдат начинот да се чувствуваат најдобро во своја кожа.
Europe House Крива Паланка и Europe House Струмица, Интернационалниот ден на толеранцијатаго означија со дебати и практични вежби за емпатија поттикнувајќи критичко и самостојно размислување прифаќајќи ги разликите. За таа цел, во просториите на Europe House Крива Паланка беа поканети локални млади, млади од регионот и од Црна Гора за заеднички да ги прескокнат бариерите. Додека во Europe House Струмица локалните млади и младите од Center for Intercultural Dialogue (CID) Kumanovo одржаа работилница под слоганот „ United in diversity “ приближувајќи ги концептите на човечките права до практичните и секојдневни примери.
Отворениот дијалог за предизвиците со кои се соочуваме е обид барем за момент да живете во туѓа кожа, а таквиот поглед на светот е секогаш еден чекор понапред во борбата за еднаквост!
Се читаме наредниот месец, а до тогаш we`ll be buzzing around!
Придружете ни се да го прославиме вториот роденден на Europe House во текот на месец ноември.
Културниот и креативниот сектор cе дел од нашето секојдневие. Ги поддржуваме и препознаваме разновидните и убави страни на музиката и уметноста…но, и сo страст се нурнуваме во дебати, бараме решенија за животната средина и го поддржуваме гласот на младите.
Проверете ја нашата мапа, следете го календарот на социјалните мрежи и бидете во тек со сите случувања.
Europe House ве поканува да учествувате во #GREENFILM со цел да ја доближиме публиката на трите Europe House до вашите креативни идеи, во форма на кратки документарни филмови или фикција кои се однесуваат на заштитата на животната средина.
#GREENFILM е филмска активност која ќе ангажира млади луѓе на возраст од 15-25 години. Тие се поканети да учествуваат на конкурсот каде нивна задача ќе биде да продуцираат кратки филмови од 30 секунди до 3 минути со главен фокус на идентификување на проблемите поврзани со животната средина. Оваа активност ќе ги натера младите луѓе да се вклучат во прикажувањето на овие проблеми на креативен начин, а истовремено да ги натера да ги истражат нивните идни можности во светот на филмот.
И тие ќе ни ја достават својата работа. Следен чекор ќе биде да се изберат 10 најдобри филмови од професионално жири и да се организира вечерта на прикажување на филмовите. Во проекциската вечер ќе го објавиме и победникот „Best of all“, кој ќе добие професионална камера.
Право на учество имаат:
-Сите млади од 15 до 25 години.
– За сите македонски граѓани.
– Времетраење на филмот од 30 секунди до 3 минути.
Времетраење на натпреварот
Конкурсот трае од 00:00 часот на 28.10.2021 година до 00:00 часот на 01.12.2021 година.
Учество во натпреварот
Секој учесник/тим може да учествува во наградниот натпревар само во свое име и со учество потврдува дека сите дадени лични податоци се само негови лични податоци и дека се согласува со овие правила и услови на наградниот натпревар.
Услов за учество на натпреварот е учесниците да бидат запознаени и да се согласуваат со сите правила на наградниот натпревар. Со учеството на конкурсот се смета дека учесникот се согласил со сите услови во врска со наградниот конкурс.
Видеото може да биде на македонски, албански или англиски јазик.
Видеата со навредливи содржини нема да се земаат во предвид (вулгарни или навредливи зборови; елементи на агресивен национализам, ксенофобија и антисемитизам; верска, идеолошка, политичка пропаганда; расна, културна, социјална, религиозна, етничка, нерелигиозна и друго)
Видеото може да биде во кој било формат (анимација, документарец итн.), може да биде вербално или невербално, во форма на скица или друго.
– Натпреварувачите можат да споделат и мала промоција на филм од 10 секунди која може да ја промовираат на Инстаграм со хаштаг #GreenFilm2021 #EuropeHouseSkopje #EuropeHouseStrumica #EuropeHouseKrivaPalanka
Учесниците не треба да имаат претходна обука како филмаџии. Доволно е да се има идеја и желба да се продуцира филм.
Филмовите може да се снимаат со кој било уред за снимање: камера, телефон, ipad итн. Крајниот рок за аплицирање е 1 декември 2021 година. Финалниот производ (филм) треба да се испрати на е-маил адресата на Europe House: euinfo@europehouse.mk како vimeo линк.
Од сите апликации, 10 филмови ќе бидат избрани од професионално жири од различни сектори кои ќе бидат прикажани во МКЦ. Во меѓувреме, стручното жири од различни сектори ќе го избере најдобриот филм на Green Film . Авторот на најдобриот филм ќе добие награда професионална камера.
Контактирајте нѐ на euinfo@europehouse.mk доколку имате какви било прашања.
Пополнете ја апликацијата подолу за да учествувате на натпреварот #GREENFILM.
Избран е нов амбасадор на наградата „ВАВИЛОН“ за 2022 година.
Владимир Мартиновски e поет, раскажувач, есеист, теоретичар и книжевен преведувач. Работи како редовен професор по предметот Компаративни поетики на Катедрата за општа и компаративна книжевност при Филолошкиот факултет „Блаже Конески“, Универзитет „Св. Кирил и Методиј“ во Скопје.
Вчера се одржа и првата онлајн информативна средба за Конкурсот за најдобар млад преведувач „Вавилон“.
Информативната работилница се споделија главните критериуми за учество, процесот на оценување, придобивките од учествувањето и освојувањето на наградата, како и искуства и корисни совети од искусни книжевни преведувачи.
Како кулуминација на серијата работилници “Basics of photography” под менторство на Столе Ангелов и “Eco Photography” под менторство на Александар Дончев, кои беа одржани изминатиот месец во организација на Europe House Струмица, нашите млади херои ја отворија и Eco photograph – Open air exhibition.
За жал фотографиите во изложбата се направени на неколку рекреативни и излетнички места во најблиска околина на Струмица, сите се автентични фотографии и ниту една од фотографиите на изложбата не е монтирана ниту преправена. Покрај тоа што сите овие места се чистат и средуваат примарно од комуналните служби, како и за време на еко акции организирани од страна на многу здруженија и Europe House Струмица, многу брзо истите места од несовесни граѓани се претвараат повторно во диви депонии.
Сите овие фотографии претставени на изложбата се само една бледа рефлексија од реалната ситуација со загадувањето во нашата околина.
Изложбата „Мистеријата зад женскиот поглед“ на Ерина Богоева беше отворена во КОТУР !
„Оваа изложба ја поставувам со надеж и дека некоја млада жена ќе се пронајде во погледите на овие жени и ќе продолжи да чекори по својот пат.“ – Ерина Богоева
Спортот како начин за развој и создавање на можности за вклученост на младите генерации.
Со минатонеделниот и последен од серијата на настани ја заокружуваме Европската недела на спортот која траеше од 23 – 30.09 заедно со TAKT – Together Advancing Common Trust.
Ви благодариме што бевте дел од нашиот 2 роденден!
Да ѕирнеме во работилницата на големите мајстори
Нашето поднебје е ризница на различности и токму во нив ги гледаме силните страни. Тука каде што се спојуваат истокот и западот, во миксот на различните култури и традиции со влијание на она што го носи модерното време, има доволно место за сите. Дали е тешко за новите генерации да ги прифатат разликите и да ги почитуваат?
практични вежби за емпатија поттикнувајќи критичко и самостојно размислување прифаќајќи ги разликите. За таа цел, во просториите на Europe House Крива Паланка беа поканети локални млади, млади од регионот и од Црна Гора за заеднички да ги прескокнат бариерите. Додека во Europe House Струмица локалните млади и младите од Center for Intercultural Dialogue (CID) Kumanovo одржаа работилница под слоганот „ United in diversity “ приближувајќи ги концептите на човечките права до практичните и секојдневни примери.
