Për të dytën herë, Europe House Veles bashkoi telajon, ngjyrat, verën lokale dhe shoqërinë e mirë në një mbrëmje ndryshe vere, të mbushur me kreativitet, biseda dhe përvoja të reja.

Në Canvas Conversations Vol. 2, secili pjesëmarrës pati hapësirë të eksperimentonte, të krijonte dhe të gjente mënyrën e vet të shprehjes artistike, pavarësisht nëse po mbante penelin për herë të parë apo kishte tashmë përvojë në pikturë. Artistja Elena Dimova i udhëhoqi pjesëmarrësit gjatë procesit të pikturimit, duke i ndihmuar t’i shndërronin idetë e tyre në vepra artistike.

Mbrëmjen e pasuroi edhe Old School Winery, një kantinë e vogël familjare nga Velesi, e cila prezantoi dy verërat e saj të reja dhe ndau me të pranishmit historinë pas krijimit të tyre – një tjetër mënyrë që historitë lokale të bëhen pjesë e përvojave tona të përbashkëta.

Por Canvas Conversations nuk ishte vetëm për pikturë apo degustim vere. Ishte një mbrëmje për shoqërim, shkëmbim idesh dhe krijim së bashku. Për ato momente kur çlodhemi, provojmë diçka të re dhe i japim vetes lirinë për të shprehur potencialin tonë krijues.

Sepse kreativiteti nuk është i rezervuar vetëm për artistët. Ai është për këdo që është i gatshëm të provojë, të krijojë dhe të shijojë procesin.

Canvas Conversations na tregoi se ndonjëherë historitë më të bukura fillojnë me një telajo të zbrazët, një gotë verë dhe shoqëri të mirë.