Јуроп хаус мрежата организираше неколку настани одбележувајќи го Денот на жените и девојките во науката. Овој ден е уште една можност да се промовира целосен и еднаков пристап и учество во науката, технологијата и математиката за жените и девојките. Родовата еднаквост е глобален приоритет, а поддршката на младите девојки, нивното образование и нивната целосна способност да ги слушнат своите идеи се основи за развој и интеграција.
Europe House Крива Паланка
Инспиративни жени во STEM што рушат стереотипи и отвораат нови патишта, отстапувајќи простор за идеи, разговор и инспирација.
Europe House Велес
Посета на СОУ Гимназија “Кочо Рацин” – Велес, каде заедно со професорите по биологија, физика и хемија ја претворивме теоријата во пракса преку едноставни експерименти, демонстрации и практична работа.
Од истражување на животот во биологијата, преку разбирање на силите во физиката, до набљудување реакции во хемијата, учениците ја доживеаја науката надвор од учебникот: љубопитна, практична и инспиративна.
Europe House Битола
На Економски факултет – Прилеп, средношколки и студентки, во форма на “speed dating” имаа можност да разговараат со професорки и научнички, да слушнат лични приказни за успех, предизвици и професионален раст и да добијат охрабрување за сопствениот академски и кариерен пат. Настанот имаше јасна цел – да ја истакне важноста на жените и девојките во науката, да поттикне самодоверба, љубопитност и амбиција кај младите генерации.
#WomeninSTEM
