Вчера во Europe House Битола беше отворена изложбата “Ќе ме (С)нема” на Кети Талевска Бакревска
чера во Europe House Битола беше отворена изложбата “Ќе ме (С)нема” на Кети Талевска Бакревска, која преку своите лумен принтови го донесе духот на Преспа во нашиот простор. Овие дела, создадени со природни материјали од преспанскиот регион, полека исчезнуваат исто како што исчезнува и преспанското езеро.
Изложбата нè потсети колку е важно да ги зачуваме кревките нешта што нè опкружуваат. Со техниката на лумен принтови, која користи вода, алги, сонце и земја, се создадоа уникатни дела кои ја носат пораката за заштита на природата и нејзината убавина пред да биде засекогаш изгубена.
Се надеваме дека оваа изложба ќе остави печат врз сите нас, да ја зачуваме природата која полека исчезнува!