По повод Светскиот ден на бегалците, 20 Jуни, Младински образовен форум, во партнерство со УНХЦР и Делегација на Европска Унија, ве кани на три проекции на филмот Welcome to Norway во режија на норвешкиот режисер Rune Denstad Langlo. Проекциите ќе бидат емитувани во просториите на Europe House во Скопје, Струмица и Крива Паланка.
Распоред и време на филмски проекции
Проекција на филм во Europe House Скопје – 20.06.2022 – 19:30 часот
Проекција на филм во Еurope House Струмица – 22.06.2022 – 18:00 часот
Проекција на филм во Europe House Крива Паланка – 23.06.2022 – 19:30 часот
По завршувањето на филмската проекција, ќе има дискусија на која учесниците ќе можат да разменат мислења и ставови околу содржината на филмот, како и да поразговараат повеќе околу различни теми поврзани со мигрантите, бегалците и барателите на азил. Дискусијата ќе ја води модератор.
Повеќе информации
Во просториите на Europe House Скопје официјално се отвори ликовната изложба „Уметничка станица Канова“ на учениците од ДСУЛУД „Лазар Личеноски“.
Проектот има за цел да го зголеми уметничкиот ангажман, вештините и автентичноста и да ги прошири перспективите на младите студенти по уметност преку проучување на делата на познатиот европски уметник Антонио Канова.
Оваа година Европа слави 2️00 години од познатиот неокласичен сликар и скулптор. Ликовната изложба со уметнички дела од млади студенти е дел од одбележувањето и признавањето на европската култура, поддржано од Делегацијата на ЕУ и Амбасадата на Италија.
Изложбата е отворена за сите заинтересирани!
Ве покануваме на „EUROPEAN CULINARY GATHERING“!
Дегустирајте ја традиционалната храна на земјите членки на ЕУ, подготвена од врвни мајстори од ЕУ Амбасадите учеснички во овој настан, како и учениците од средното стручно угостителско-туристичко училиште „Лазар Танев“.
Во текот на оваа недела учениците од угостителство имаат несекојдневна можност, да се запознаат поблиску со кујните на земјите членки на ЕУ, да научат за нивните кулинарски богатства и да ги развијат своите стручни вештини како идни кулинарски професионалци.
Пред саботниот голем настан од 16-20 мај, овие индивидуални групи ќе работат на подготовка на избраното јадење со назначениот готвач/персонал од амбасадата во просториите на угостителското училиште.
Повелете да уживаме заедно во традиционалните кујни за земјите учеснички членки на ЕУ
Придружете ни се на ова несекојдневно кулинарско доживување, кое ги носи мирисите и вкусовите од Европа во Градскиот Парк во Скопје!
Се гледаме на Школка во Градскиот Парк, во сабота од 12:00 до 14:00ч.
